Ƀing khua pơ ala pơsit bruă mă yua Tơlơi phiăn pioh pơplih tum djop hơdră pơtrun, jơlan gah mơ̆ng Ping gah hăng hơdră bruă mơ̆ng Kơnuk kơna kơ pơdŏng khul ling tơhan mơnuih ƀôn sang Việt Nam kơjăp kơtang, djơ̆ hăng tơlơi rơkâo truh thun 2025 phun ñu pơjing khul ling tơhan hơdeč hmar, rơguăt, kơtang; pơjing phun than kơjăp hrưn đĭ akô̆ thun 2030 pơdŏng khul ling tơhan hơkrŭ, tui phiăn pơkă, hơdeč hmar, rơnuk phrâo.

Tơlơi thun mă bruă amăng khul ling tơhan mơ̆ng khua tơhan lĕ bôh yôm dưi hmâo lu khua pơ ala gum pơhiăp, bơkơtuai ƀơi grŭp. Khua git gai pơ ala mơnuih ƀôn sang dêh čar ơi Trần Thanh Mẫn lăi lĕ, bruă đĭ thun pơdơi lơtret hăng khua tơhan lĕ lăp djơ̆ biă. Khă hnun hai, ƀơi anai lĕ kiăng biă đĭ hơdôm hơpă thun ñu kiăng pơhrơi sui thun mă bruă hăng khua tơhan lăp djơ̆. Yua kơ mơnuih mă bruă amăng khul ling tơhan, biă ñu ling tơhan, tơlơi anai Grŭp čih dăp hơdră ăt kah hăng ƀirô pel ĕp hmâo lăng glăi laih, kơsem min pioh pơkă rơđah dong mơnuih dưi pơdơi lơtret hlâo kơ thun pơkă kiăng pơhlôm tơlơi pơplih tañ./.