VOV4.Jarai-Tŭ ư tơlơi jak iâu mơ̆ng Khua git gai pơ ala mơnuih ƀôn sang dêh čar ơi Vương Đình Huệ, Khua git gai pơ ala mơnuih ƀôn sang dêh čar Singapore rai čuă jơmư sit nik dêh čar Việt Nam mơ̆ng lơ 18-20/5/2022. Tlam lơ 18/5, ngă lơphet tŭ jum ơi Tan Chuan Jin, Khua git gai pơ ala mơnuih ƀôn sang dêh čar Singapore hăng bơnai ñu pơphun prong biă mă amăng sang jơnum khua pơ ala mơnuih ƀôn sang dêh čar, yua kơ ơi Vương Đình Huệ hăng bơni ñu tŭ jum.

Giong ngă lơphet tŭ jum, bơkơtuai nao rai grup khua mua dua bơnah pơphun mơtam. Ƀơi mông bơkơtuai, dua čô khua lêng kơ lăi dong yua tơlơi kiăng hrom mơ̆ng kual ASEAN pơgang tơlơi rơnuk rơnua, hơđong, mơak rô nao rai rơngai ƀơi ia rơsĭ Ngŏ, pơsir tơlơi bơrơsua hăng bưp bơkơtuai nao rai tui tơlơi phiăn jar kmar, amăng anun hơmâo hră pơkôl UNCLOSE 1982; bơni kơ dêh čar Singapore dong yua Việt Nam tơbiă anăn mut ngă ding kơna Jơnum min pơkă guai atur ia rơsĭ rơwang bruă thun 2023-2028, rơkâo dêh čar Singapore ăt dong yua Việt Nam tơbiă anăn ngă ding kơna Jơnum min tơlơi phiăn hăng boh thâo ia rơgơi gah anom bruă hơmâo tơlơi dưi wai lăng atur ia rơsĭ rơwang bruă thun 2023-2027.

Nay Jek: Pơblang