Čơtlăm lơ 21/5, pơ ala kơ Jơnum min apăn bruă Khua pơ ala mơnuih ƀôn sang dêh čar, Khua čih pioh Khua pơ ala mơnuih ƀôn sang dêh čar ơi Bùi Văn Cường lăi pơthâo hră rơkâo pơplih pơkra Jơlan hơdră Tal jơnum lok 7. Hră lăi pơthâo hmâo lăi rơđah, hluai tui tơlơi gum pơhiăp mơ̆ng gưl hmâo tơlơi dưi, ngă tui tơlơi pơkă mơ̆ng tơlơi phiăn hăng tơlơi rơkâo hmâo sit ngă giong bruă pơphun glông bruă Kơnuk kơna, tơdơi kơ pel ĕp tơlơi rơkâo đĭ mơ̆ng Khua dêh čar, Jơnum min apăn bruă Khua pơ ala mơnuih ƀôn sang dêh čar rơkâo Khua pơ ala mơnuih ƀôn sang dêh čar brơi pơhrua nao bôh yôm pơsit tơlơi rơkâo mơ̆ng Khua dêh čar kơ bruă brơi pơdơi bruă hăng Khua Ding jum Kông ang.

Tơdơi kơ anun mơtăm, Khua pơ ala mơnuih ƀôn sang dêh čar pơsit tŭ ư bruă pơplih pơkra Jơlan hơdră Tal jơnum lok 7. Hlâo kơ anun, amăng mông jơnum tal 9, Ping gah dêh čar ta hmâo tŭ ư prong lăi pơthâo Ding kơna Ding jum kơđi čar, Khua Ding jum Kông ang, Đại tướng Tô Lâm, pioh Khua pơ ala mơnuih ƀôn sang dêh čar ta tal 15 ruah ngă Khua mir sir dêh čar, rơwang bruă mơ̆ng thun 2021-2026. Čơtlăm lơ 21/5, tơdơi kơ bơkơtuai, pơsit pel ĕp hră čih anăn pioh ruah Khua mir sir dêh čar, Khua pơ ala mơnuih ƀôn sang dêh čar pơphun ruah Khua mir sir dêh čar./.