Pơhiăp ƀơi mông brơi pri, Khua pơ ala mơnuih ƀôn sang dêh čar ơi Trần Thanh Mẫn git gai, hră pơhing khŏm pôr pơthâo kơtang, tŭ yua hloh djŏp tơlơi pơtrun, jơlan gah ngă bruă mơ̆ng Ping gah, tơlơi phiăn mơ̆ng Kơnuk kơna; bang hyu pran jua pơčeh phrâo, pơtrut pơsur pran jua abih bang mơnuih ƀôn sang gum djru đĭ kyar lŏn ia ta.

Hră pơhing phrâo yơh khŏm nao hlâo pơgang ba tơlơi pơmin phun mơ̆ng Ping gah, pơkơdong glăi tơlơi pơmin, tơlơi pơhiăp soh glăi, hil neč. Pơpă hơmâo tơlơi pleč ƀlor, pơčut pơčao, hơmâo tơlơi pơmin bơblư̆ kơnuk kơna - pơ anun hơmâo tơlơi pơhing yơh pơdah thâo tơlơi sit, ngă kjăp pran đăo kơnang. Ping gah, Kơnuk kơna hăng Mơnuih ƀôn sang đăo kơnang: hră pơhing ngă hơkrŭ Việt Nam ăt đĭ kyar rơgơi mơbruă, thâo hơdor tơngia, khăp pap, pơplih tui rơnuk, mă gai čih tơpă tơma anun yơh či bơwih brơi Lŏn ia, bơwih brơi Mơnuih ƀôn sang. Khul brơi pri hră pơhing dêh čar hơmâo brơi kơ 11 tơlơi čih mă Pri A, 26 tơlơi čih mă Pri B, 50 tơlơi čih mă Pri C. Gong phun jua pơhiăp Việt Nam mă 2 pri A.