VOV4.Jarai - Hrơi anai, hrơi rơma (10/6) Khua pơ ala mơnuih ƀon sang dêh čar pơphun pơčrông sai kơ hơdră tuh pơ alin amăng 5 akŏ bruă anun lĕ: jơlan wer mrô 4 plơi prong jưh jom Hà Nội; jơlan wer mrô 3 ƀôn prong Hồ Chí Minh; akŏ bruă man pơkra jơlan rơdêh đuăi hmar Châu Đốc - Cần Thơ - Sóc Trăng; Khánh Hoà - Buôn Ma Thuột; Biên Hòa - Vũng Tàu. Anai lĕ hơdôm akŏ bruă ngă tui tơlơi pơtrun mơng Jơnum Ping gah tal 13 hăng tơlơi pơtrun mrô 31 mơng Khua pơ ala mơnuih ƀon sang dêh čar amăng pơplih bơwih ƀong huă amăng 20 thun, man pơkra jơlan glông hăng kơtưn pơlir djop kual.

Tlam tom brơi, jơlan lok 3, Khua pơ ala mơnuih ƀon sang dêh čar tal 15 hơmâo pơgiong mông tơña hăng lăi glăi pơphun amăng 2 hrơi ha mơkrah. Kơ-iăng khua dêh čar ơi Phạm Bình Minh hơmâo ngă rơđah kơ bruă bơdjơ̆ nao hăng lăi glăi Khua pơ ala mơnuih ƀon sang. Ƀing khua mua lăi mông tơña hăng lăi glăi pơdah lu tơlơi pơplih phrâo, tal anai ƀu hơmâo mông khua ding jum lăi pơthâo boh than dưi ngă mơng gơnong bruă, yua anun pioh lu hrơi mông kiăng khua mua tơña. Hơdôm bruă Khua pơ ala mơnuih ƀon sang dêh čar ruah tơña tal anai lêng mơng bruă sit nik, tui tơlơi čang rơmang, rơkâo đĭ mơng mơnuih ƀon sang. Lăi glăi tơlơi tơña ƀing khua ding jum lêng kơ lăng nao tơpă, djơ̆ bruă, hơdôm tơlơi lăi glăi djơ̆ hăng tơlơi kiăng mơng Khua pơ ala mơnuih ƀon sang rơkâo.

Siu Đoan: Pơblang