Khua pơ ala mơnuih ƀôn sang dêh čar pơčrông sai kơ akŏ bruă pơđĭ kyar bơwih ƀong huă mơnuih mơnam thun 2025
Thứ ba, 08:59, 05/11/2024
VOV/Siu Đoan Pơblang
VOV/Siu Đoan Pơblang
VOV4.Jarai-Lơ 4/11, jơnum lok 8, Khua pơ ala mơnuih ƀôn sang dêh čar tal 15 pơčrông sai ƀơi sang jơnum, lăng glăi boh than ngă tui akŏ bruă pơđĭ kyar bơwih ƀong huă mơnuih mơnam thun 2024, prap lui akŏ bruă pơđĭ kyar bơwih ƀong huă mơnuih mơnam thun 2025.
Khua pơ ala mơnuih ƀôn sang dêh čar ăt pơčrông sai kơ bruă pơplih dưm dăp mă yua lŏn mơnai dêh čar rơwang thun 2021-2030, anăp nao truh thun 2050; tơlơi črâo trun tuh pơ alin pơhrua kơnuk kơna ƀơi sang bruă prăk sĭ mơdrô pơčruih ngăn Việt Nam. Kiăo tui anun, ƀing ding kơna kơnuk kơna lăi pơthâo ngă rơđah sa, dua bruă mơ̆ ƀing khua pơ ala rơkâo đĭ.
Amăng rơwang hrơi tơjuh mă bruă tal 3 anai, Khua pơ ala mơnuih ƀôn sang dêh čar tŏ tui pơčrông sai hơdôm boh tơhnal anun lĕ: bruă ngă tui yua ngăn drăp kơnuk kơna thun 2024, him lăng mă yua ngăn drăp, hơdră pơhrua mă yua ngăn drăp kơnuk kơna thun 2025; sa, dua boh tơhnal bơdjơ̆ nao bruă pơplih pơhrua bruă mă yua ngăn drăp kơnuk kơna.
Viết bình luận