Yak nao rơwang hrơi tơjuh mă bruă tal 2 mơng Jơnum lok 8, mơguah hrơi anai, lơ 28/10, Khua pơ ala mơnuih ƀôn sang dêh čar hmư̆ Khua Jơnum min bơwih ƀong huă mơng Ƀirô Khua pơ ala mơnuih ƀôn sang dêh čar Vũ Hồng Thanh, kơ-iăng Khua grup krăo lăng mơng Ƀirô Khua pơ ala mơnuih ƀôn sang dêh čar lăi pơthâo bruă mă mơng grup krăo lăng kơ bruă ngă tui hơdră bruă, tơlơi phiăn amăng wai lăng bruă sĭ mơdrô lŏn mơnai, sang dŏ hăng pơđĭ kyar man pơdong sang dŏ mơnuih mơnam mơng thun 2015 truh abih thun 2023.

Ƀing Khua pơ ala mơnuih ƀôn sang dêh čar lăng pơdah rup bơdjơ̆ nao ngă tui hơdră bruă, tơlơi phiăn amăng wai lăng sĭ mơdrô lŏn mơnai, sang dŏ hăng pơđĭ kyar man pơdong sang dŏ mơnuih mơnam mơng thun 2015 truh abih thun 2023. Kiăo tui anun, Khua pơ ala mơnuih ƀôn sang dêh čar pơčrông sai kơ boh than krăo lăng tui akŏ bruă “Ngă tui hơdră bruă, tơlơi phiăn amăng wai lăng sĭ mơdrô lŏn mơnai, sang dŏ hăng pơđĭ kyar man pơdong sang dŏ mơnuih mơnam mơng thun 2015 truh abih thun 2023”. Khua mua amăng Kơnuk kơna bơdjơ̆ nao lăi pơthâo, ngă rơđah sa, dua bruă khua mua rơkâo đĭ.