Mông jơnum hơmâo pơphun kiăng pơthâo rơđah Tơlơi klah čun mrô 17 mơ̆ng Ding jum kơđi čar hăng hơdôm tơlơi akŏ phun amăng Akŏ bruă Jơlan hơdră čih pơkra tơlơi phiăn mơ̆ng Khua mua pơ ala mơnuih ƀôn sang dêh čar tal 16; laih dong, pơhiăp tom, pơčrông sai kơ tơlơi kiăng, bruă či ngă hăng hơdră ngă bruă, pơhlom djơ̆ hrơi pơkă, hăng anŏ klă.

Akŏ bruă anai pơsit 6 mơta tơlơi git gai, 6 tơlơi kiăng hăng bruă čih tơlơi phiăn rơwang bruă Khua pơ ala mơnuih ƀôn sang dêh čar tal 16, phun ñu lĕ: Pơhlom bruă čih pơkra, ngă pơgiong tơlơi phiăn yŭ kơ tơlơi git gai abih bang hlom bom, kjăp phik mơ̆ng Ping gah; hmao tlôn pơkra jing tơlơi phiăn djŏp, tơpă sit tơlơi pơtrun, jơlan ngă bruă mơ̆ng Ping gah. Sem lăng pơkra glăi dong abih bang hăng ngă rơđah hloh Phiah phiăn; hơmâo djŏp tơlơi gêh găl pơplih glăi abih bang amăng bruă bơwih ƀong - mơnuih mơnam. Akŏ bruă anai kiăng pơsit bruă kơsem min tum pơƀut, klah čun, čih pơkra glăi abih bang Phiah phiăn thun 2013 brơi lăp djơ̆ hăng tơlơi kiăng rơnuk anai, tơlơi kiăng đĭ kyar lŏn ia amăng rơnuk phrâo; laih dong, pơsit 8 mơta jơlan hơdră čih pơkra tơlơi phiăn akŏ phun pơlir hăng 171 bruă kiăng ngă amăng rơwang bruă Khua pơ ala mơnuih ƀôn sang dêh čar tal 16./.