VOV4.Jarai - Tô̆ tui jơlan hơdră tal jơnum lok 3, Khua pơ ala mơnuih ƀôn sang dêh čar ta tal 15, mơguah lơ 26/5, Khua pơ ala mơnuih ƀôn sang dêh čar ta bơkơtuai ƀơi sang rông kơ sa dua bôh yôm dô̆ hmâo tơlơi gum pơhiăp pha ra mơng rơwang bruă Tơlơi phiăn tơhan polih hơdeč hmar. Amăng mông bơkơtuai, ƀing khua pơ ala Khua pơ ala mơnuih ƀôn sang dêh čar ta pơdah tơlơi tŭ ư hrom prong hăng tơlơi lăi pơthâo glăi, lăi pơblang, tŭ mă, pơplih pơkra hră čih tơlơi phiăn tơhan polih hơdeč hmar. Kiăng ngă tui dong hră čih rơwang bruă Tơlơi phiăn, ƀing khua pơ ala Khua pơ ala mơnuih ƀôn sang dêh čar ta đing nao gum pơhiăp ngă giong hơdôm hơdră bruă prong, tơlơi pơkă kơ bruă apăn, bruă mă, tơlơi dưi pô, kiăng pơdŏng khul Tơhan polih hơdeč hmar hơkrŭ, djơ̆ phiăn pơkă, hơdeč hmar, phrâo rơnuk anai. Kiăng khul tơhan polih hơdeč hmar ngă giong klă bruă jao, ƀing khua pơ ala ăt gum pơhiăp mơn kơ bruă git gai, gum hrom hăng hơdôm khul tơhan pơkon amăng hơdôm bruă mă, kah hăng: pơhlôm rơnuk rơnua, hơđong kual guai dêh čar, git gai bruă djru pơtlaih ƀơi ia rơsĭ./.

Siu H’ Prăk: Pơblang