VOV4.Jarai - Mơguah lơ 9/6 gah yŭ tơlơi git gai mơng Khua git gai wai lăng pơ ala mơnuih ƀôn sang dêh čar ta ơi Vương Đình Huệ, Khua Ding jum prăk kak ơi Hồ Đức Phơc hmâo lăi glăi laih tơlơi tơña mơng Khua pơ ala mơnuih ƀôn sang. Hơdôm tơlơi dưi hmâo khua pơ ala đing nao tơña lĕ tơlơi ƀu klă amăng pơsit nua gơnam; hơdôm tơlơi rơngiă prăk ƀu thâo rơđah lom pơčruh prăk bơwih ƀong; tơlơi leč phiăn, dŏp ƀu tuh jia hăng rơdêh brơi đôč; bruă sĭ blơi hră prăk hăng hră sĭ pơkrem prăk; tơlơi hơđong nua hơdrôm hră hrăm kơ čơđai sang hră... Jơlan gah dưi hmâo Khua ding jum prăk kak lăi rơđah amăng bruă wai lăng bruă pơsit nua, bruă sĭ blơi hră prăk hăng blơi hră pơkrem prăk lĕ kơtưn bruă pel ĕp; pơtlaih tơnap kơ lom pơplih pơčruh prăk bơwih ƀong djơ̆ tui tơlơi pơkă. Gah nua hơdrôm hră hrăm, ơi Hồ Đức Phơc lăi pơblang kơ tơlơi pơkă lăi pơdah nua hăng lăi jơlan pơsir rơkâo đĭ ba mut hơdrôm hră hrăm amăng tơlơi pơsit nua hăng pioh kơ hơdôm kual asuek, ataih, hơdôm mơnuih ƀun rin pioh gum djru...

Siu H’ Prăk: Pơblang