VOV4.Jarai - Tŏ tui hơdôm hrơi jơnum lok 3, Khua pơ ala mơnuih ƀon sang dêh čar tal XV, hrơi anai (31/5), ƀing khua mua mă bruă ƀơi sang jơnum hăng ƀơi grup pơčrông sai sa, dua črăn tơlơi phiăn yôm phăn. Amăng mông jơnum mơguah, Khua pơ ala mơnuih ƀon sang dêh čar amra hmư̆ ding kơna Jơnum min apăn bruă Khua pơ ala mơnuih ƀon sang dêh čar, Khua jơnum min phiah phiăn mơng Ƀirô Khua pơ ala mơnuih ƀon sang dêh čar Hoàng Thanh Tùng lăi pơthâo, tŭ mă tơlơi pơgôp hiăp, pơplih pơkra črăn tơlơi phiăn phrâo čih pơkra, pơhrua sa, dua črăn amăng tơlơi phiăn boh thâo ia rơgơi. Kiăo tui dong, ƀing khua mua pơčrông sai ƀơi sang jơnum kơ sa, dua boh tơhnal dŏ pơmĭn phara amăng črăn tơlơi phiăn čih pơkra, pơhrua sa dua tơlơi črăn amăng tơlơi phiăn boh thâo ia rơgơi. Kiăo tui dong, anom bruă mơ-it đĭ hăng anom bruă git gai pel ĕp gum hrŏm amăng bruă lăi pơthâo, ngă rơđah hơdôm tơlơi mơ̆ ƀing khua mua hơmâo lăi nao. Amăng mông jơnum yang hrơi tlam, ƀing khua mua bơkơtuai ƀơi grup kơ črăn tơlơi phiăn pơgang , pơgăn taih amăng sang anŏ (čih pơkra glăi) hăng tơlơi phăn ngă tui tơlơi ngă pô ƀơi ƀon lan.

Siu Đoan: Pơblang