Khua pơ ala mơnuih ƀôn sang pơphun pơsit pel ĕp Tơlơi pơtrun pơsit mơ̆ng Khua pơ ala mơnuih ƀôn sang kơ pơphun bruă gong gai plơi prong hăng pơphô hlâo sa dua hơdră pơkă, hơdră bruă phara pơđĭ kyar ƀôn prong Đà Nẵng.

Bôh tơhnal, 93% mrô khua pơ ala gum hrŏm pơsit tŭ ư (452/459) pel ĕp Tơlơi pơtrun pơsit kơ pơphun bruă gong gai plơi prong hăng pơphô hlâo sa dua hơdră pơkă, hơdră bruă phara pơđĭ kyar ƀôn prong Đà Nẵng hăng bruă pơphô hlâo pơdŏng Kual sĭ mơdrô tui hluai pô, Jơnum min apăn bruă Khua pơ ala mơnuih ƀôn sang lăng ƀuh, bruă pơphô hlâo pơdŏng Kual sĭ mơdrô tui hluai pô lĕ hơdră pơtrun prong hmâo djop tơhnal bruă kơđi čar, hluai tui tơlơi phiăn pơkă; tơdah ngă truh kih amra jing phun pơtrut pơđĭ kyar bơwih ƀong – mơnuih mơnam mơ̆ng ƀôn prong Đà Nẵng hăng mơ̆ng đơ đam kual. Hlâo kơ anun, hăng lu hră plĕ ƀing khua pơ ala tŭ ư (453/459), 93,21%; Khua pơ ala mơnuih ƀôn sang hmâo pel ĕp Tơlơi pơtrun pơsit kơ pơphô hlâo pơhrua nao sa dua hơdră pơkă, hơdră bruă phara pơđĭ kyar tơring čar Nghệ An./.