VOV4.Jarai - Hrơi anai (16/6), hrơi mă bruă rơnuč Jơnum lok 3, Khua pơ ala mơnuih ƀon sang dêh čar tal 15, ƀing khua mua pơsit mă yua 10 tơlơi pơtrun hăng 2 tơlơi phiăn. Yang hrơi tlam, Khua pơ ala mơnuih ƀon sang dêh čar jơnum pơđut hĭ. 10 tơlơi pơtrun hăng 2 tơlơi phiăn hơmâo Khua pơ ala mơnuih ƀon sang dêh čar tŭ yap mă yua hơmâo: Tơlơi pơtrun ngă lông lăng pơphun bruă mă, črâo ba, pơtô brơi bruă mă kơ ƀing mơnă gah rơngiao sang krư̆; tơlơi pơtrun ngă lông lăng sa, dua hơdră bruă akŏ phun amăng pơđĭ kyar tơring čar Khánh Hòa; tơlơi pơtrun kơ hơdră tuh pơ alin man pơkra jơlan wer mrô 4 plơi prong jưh jom Hà Nội; tơlơi pơtrun kơ hơdră tuh pơ alin man pơkra jơlan wer mrô 3 ƀon prong Hồ Chí Minh; Tơlơi pơtrun kơ hwodră tuh pơ alin man pơkra jơlan rơdêh đuăi hmar Khánh Hòa - Buôn Ma Thuột (rơwang tal 1); Tơlơi pơtrun kơ hơdră tuh pơ alin man pơkra jơlan rơdêh đuăi hmar Biên Hòa - Vũng Tàu (rơwang tal 1); tơlơi pơtrun kơ hơdră tuh pơ alin man pơkra jơlan rơdêh đuăi hmar Châu Đốc - Cần Thơ - Sóc Trăng (rơwang tal 1); tơlơi pơtrun kơ boh than krăo lăng akŏ bruă “ngă tui hơdră bruă, tơlơi phiăn kơ bruă dưm dăp man pơdong dong mơng hrơi tơlơi phiăn dưm dăp man pơdong mă yua”; Tơlơi pơtrun kơ bruă tơña hăng lăi glăi; tơlơi pơtrun mơng jơnum lok 3, Khua pơ ala mơnuih ƀon sang dêh čar tal 15; tơlơi phiăn čih pơkra, pơhrua sa, dua tơlơi amăng tơlơi phiăn wai lăng tơlơi thâo thăo hăng tơlơi phiăn sĭ mơdrô hră pơhlôm nua mơnuih mơnam (čih pơkra glăi).

Siu Đoan: Pơblang