VOV4.Jarai - Hrơi anai lơ 6/6, Tal jơnum lok 3, Khua pơ ala mơnuih ƀôn sang tal 15 yak truh rơwang hrơi tơjuh mă bruă tal 3. Sa amăng hơdôm bôh yôm phăn dưi hmâo Khua pơ ala mơnuih ƀôn sang bơkơtuai ƀơi grŭp mơguah anai lĕ Hơdră pơtrun tuh pơplai Rơwang bruă jơlan kơtuai guai mrô 3 bôh ƀôn prong Hồ Chí Minh hăng jơlan kơtuai guai mrô 4 kual plơi jưh jom Hà Nội. Lu mơnuih juăt bruă ăt lăi rơđah mơn, Hà Nội hăng ƀôn prong Hồ Chí Minh lĕ jơlan phun bơkơtuai, jing anih anom nao mơng ƀing tuh pơplai hăng tuai čuă ngui mơng dêh čar tač rơngiao. Bruă tuh pơplai Rơwang bruă anai pơhlôm kơ jơlan nao rai hluh gah ăt amra djru yôm mơn pơtrut, lăi pơhư̆č, ngă pơhư̆č tuh pơplai hăng tuai čuă ngui mơng dêh čar tač rơngiao rai pơ̆ Việt Nam. Tui hăng jơlan hơdră tal jơnum, amăng rơwang hrơi tơjuh anai, Khua pơ ala mơnuih ƀôn sang ăt amra bơkơtuai mơn kơ hră čih tơlơi pơtrun pơsit kơ pơphô lăng sa dua hơdră pơkă, hơdră bruă gum djru pha ra pơđĭ kyar tơring čar Khánh Hòa; bơkơtuai kơ bruă pơplih prăk čan brơi čan glăi, djru Kơnuk kơna jing pơpha ngăn drăp kơnuk kơna. Biă ñu, Khua pơ ala mơnuih ƀôn sang pioh laih 2 hrơi ha mơkrah kiăng hmư̆ tơlơi tơña hăng lăi glăi tơlơi tơña kơ sa dua mơta tơlơi gah bruă đang hmua hăng pơđĭ kyar plơi pla, bruă prăk kak, bruă sang prăk hăng bruă jơlan nao rai dŭ pơgiăng./.

Siu H’ Prăk: Pơblang