Amăng mông ngă lơphet, Ƀirô pơtrun bruă Quân khu 7 hmâo ƀơk laih Hră apah bơni kơ 23 grŭp hăng 52 čô mơnuih hmâo bôh than prong amăng bruă gum hrŏm lăi pơhing kơ bruă mă mơ̆ng khul ling tơhan Quân khu amăng thun 2024 hăng 6 blan akô̆ thun 2025. Amăng anun, Ƀirô gong phun jua pơhiăp dêh čar Việt Nam pơdŏng ƀơi ƀôn prong Hồ Chí Minh ư-ang hmâo mă hră bơni kơ grŭp hăng 1 čô mơnuih.

Pơhiăp amăng mông bưp ƀô̆ mơta, Thiếu tướng Trần Vinh Ngọc, Khua git gai Ping gah Quân khu 7 rơkâo pơ̆ anăp anai, hơdôm bôh ƀirô pôr pơhing pơtrut kơtang dong gum hrŏm, amra gơgrong; pơgang pơgăn ayuh hyiăng ƀu klă ngă, klin ruă, pơtlaih mơnuih hmâo tơlơi truh. Hrŏm hăng anun lĕ lăi pơhing kơ pơdŏng bruă abih bang mơnuih ƀôn sang pơgang lŏn ia, nao hrŏm hăng bruă pơgang rơnuk rơnua mơnuih ƀôn sang hăng pơdŏng kual pơhlôm hlâo kơjăp ƀơi kual Quân khu./.