VOV4.Jarai - Mơguah lơ 1/8, Ding kơna Ding jum kơđi čar, Khua apăn bruă Ping gah, Khua sang phat kơđi dêh čar ơi Nguyễn Hoà Bình hơmâo mông mă bruă hăng Sang phat kơđi mơnuih ƀon sang tơring čar Kon Tum. Ơi Nguyễn Hoà Bình pơtă, Sang phat kơđi mơnuih ƀon sang tơring čar Kon Tum kiăng kơ hơmâo hơdră kơtưn amăng pơphun mông pơsir hơđi tơlơi kiăng kơ ngă ha amăng plĕ amăng mơnuih mơnam, bĕ hĭ pơsir hơdôm kơđi ƀu kiăng đơi ôh.

Grup hyu mă bruă mơng Sang phat kơđi dêh čar mă bruă ƀơi Kon Tum

Kơsem min tañ pơphun pơsir kơđi tui hơdră lăng nao rai mơng ataih mơng anun pơđĭ kyar hơbô̆ bruă pơsir hơđi điện tử pơgôp huăi ngă rơngiă hrơi mông, prăk kak laih dong lăp djơ̆ hăng tơlơi kiăng ră anai. Kơtưn ngă klă hloh bruă pơsir kơđi hăng pơhlôm brơi tơlơi dưi kơ mơnuih ƀon sang. Ƀrô tal hyu mă bruă anai, Khua sang phat kơđi dêh čar ơi Nguyễn Hòa Bình hrŏm hăng grup hyu mă bruă nao tŭi ñang, dưm guang bơngia ƀơi pơsat dor tơhan djai pơsăn drơi ƀơi tơring glông Kon Rẫy; nao čuă jơmư ƀơi Kon Braih hăng anih dưm kơƀang čih anăn ƀing tơhan djai pơsăn drơi ƀơi Kon Braih, tơring glông Kon Rẫy.

Siu Đoan: Pơblang