VOV4.Jarai-Hok mơak čơkă tal 91 thun hrơi akŏ pơjing Khul tơdăm dra mut phung rơnuk HCM, tlam lơ 25/3, pơphun jơnum lăng nao rai amăng tivi kơplah wah Khua tal sa git gai Anom bruă tơdăm dra mut phung rơnuk HCM dêh čar, Nguyễn Anh Tuấn, Khua Khul hlăk ai pơlir hơbit Việt Nam hăng ƀing tơdăm dra mut phung, hlăk ai, čơđai tơdăm ngek dra muai amăng dêh čar hăng dêh čar tač rơngiao hăng akŏ ñu “Anŏ kiăng pơyơr mă bruă-Tơlơi phiăn hơdip mơ̆ng hlăk ai”.

Ƀơi mông bưp bơkơtuai nao rai, Khua tal sa git gai Anom bruă tơdăm dra mut phung rơnuk HCM dêh čar, Nguyễn Anh Tuấn amra đing hmư̆ tơlơi rơkâo, tơlơi kiăng, rơkâo đĭ mơ̆ng tơdăm dra hlăk ai, lăi glăi tơlơi tơña, čih pioh tơlơi rơkâo, bruă ngă mơ̆ng hlăk ai tơdăm dra amăng dêh čar hăng mơ̆ng tač rơngiao; pơčrông sai tơlơi gơgrong ba, bruă mă mơ̆ng Khul tơdăm dra mut phung hăng ƀing tơdăm dra, hlăk ai; lăi pơthâo akŏ bruă pơčeh phrâo mơ̆ng hlăk ai mut phung djru hrom hơdră rŭ glăi, pơđĭ kyar bơwih ƀong huă mơnuih mơnam amăng lŏn ia tơdơi kơ abih klin Covid 19; laih dơ̆ng pơdah thâo tơhnal pơkă, hơdră pơsir kơ bruă mă mơ̆ng Khul tơdăm dra mut phung laih anun bruă mă mơ̆ng tơdăm ngek dra muai pơ anăp anai.

Nay Jek: Pơblang