Yap truh rơnuč blan 5 thun 2024, tơring čar Dak Lak hơmâo mă yua prăk čar 1.080 klai, dưi ngă 25% akŏ bruă jao. Hnong mă yua prăk tuh pơ alin lu pơkă hăng thun hlâo, samơ̆ boh tơhnal ăt aka ƀu lu ôh. Pơhiăp amăng mông jơnum, ơi Phạm Ngọc Nghị, Khua Jơnum min mơnuih ƀôn sang tơring čar Dak Lak pơtrun hiăp kơ djop gơnong bruă ƀơi tơring čar, tơring glông kơtưn ĕp lăng, pơtong rơđah, ƀuh hăng pơsir tañ hmao kru hơdôm tơlơi tơnap tap, gun gan amăng kơčăo bruă, ring bruă hlăk dŏ ngă.

Hrŏm hăng anun, djop anom bruă prăp lui ngă hrŏm tong ten, djơ̆ tui sa hnong amăng bruă čuk pơdăo pơklaih ala lŏn duh glăi kơ pô lŏn, ngă pơgiong hră pơar, pơtrut hmar bruă čuk pơkra jơlan dêh čar hăng ring bruă hok mơak čơkă hơdor glăi 120 thun hrơi akŏ pơdong tơring čar amăng blan 11 pơ anăp.