Pơ ala kơ khua tơring čar Dak Lak, Ơi Nguyễn Tuấn Hà, Kơ-iăng Khua Jơnum min mơnuih ƀôn sang tơring čar mơ-ĭt tơlơi hơ-ơč hmưi klă hiam truh hăng mơnuih apăn bruă, mơnuih mă bruă mơ̆ng Gong phun jua pơhiăp dêh čar Việt Nam dô̆ mă bruă ƀơi Dap Kơdư, hơ-ơč hmưi hơdôm bôh tơhnal ngă tui bruă pôr pơhing, lăi pơthâo mơ̆ Gong phun jua pơhiăp dêh čar Việt Nam lăi hrŏm hăng Ƀirô Gong phun jua pơhiăp dêh čar Việt Nam pơdŏng ƀơi kual Dap Kơdư lăi ha jăn dưi ngă amăng hơdôm hrơi rơgao.

Kơ-iăng Khua Jơnum min mơnuih ƀôn sang tơring čar Dak Lak čang rơmang, pơ̆ anăp anai, Ƀirô lăi pơthâo dong hơdôm tơlơi klă, hrŏm hăng anun gum pơhiăp kơ hơdôm mơta akă dưi ngă, djru tơring čar jai hrơi jai đĭ kyar klă hloh. Thun 2024 anai, hơdor glăi 120 thun pơjing, pơđĭ kyar tơring čar Dak Lak, ơi Nguyễn Tuấn Hà rơkâo VOV – Tây Nguyên lăi pơhing lu hloh kơ lu bôh than, bruă pơplih phrâo, hơdôm tơlơi gir run mơ̆ng tơring čar pơdŏng Dak Lak jai hrơi jai thâo rơgơi, phrâo rơnuk anai, hmâo lu gru grua bôh thâo./.