Kiăng pơhlôm tơlơi hơdip, plai ƀiă đut hlah rơnoh răm rai kông ngăn mơnuih ƀôn sang hăng ring bruă anom mă yua, biă ñu amăng bơyan hơjan kơthel thun 2023, Khua Jơnum min mơnuih ƀôn sang tơring čar Lâm Đồng rơkâo hơdôm bôh anom gơgrong hlâo črâo ba, pok pơhai bruă gơgrong hlâo pơgang, pơgăn ayuh hyiăng ƀu klă ngă lăi hrŏm hăng lŏn tơhroh lăi ha jăn.

Ngă tui tơpă, djop, hmao tlôn djơ̆ hăng tơlơi bôh nik dong hăng sit nik ba glăi bôh tơhnal hơdôm bôh yôm, bruă mă tui tơlơi črâo ba mơng Ping gah tơring čar hăng rơbêh kơ pluh pok hră pơ-ar črâo ba mơng Jơnum min mơnuih ƀôn sang tơring čar hlâo kơ anun. Ƀu dưi lui raih ôh, khom đing nao bruă pơgang pơgăn ayuh hyiăng ƀu klă ngă hăng hyu ĕp mơnuih hmâo tơlơi truh./.