VOV4.Jarai - Mơguah lơ 13/4 ƀơi Hà Nội, pơphun Jơnum khul čih hră pơhing dêh čar thun 2022. Jơnum hră pơhing dêh čar thun 2022 ƀu kơnong jing hrơi jơnum mơng ƀing hyu mă tơlơi pơhing hăng mơnuih hmư̆ hră pơhing amăng dêh čar ta đôč ôh mơ̆, anai jing tơlơi pơsit lŏn ia ta mut nao hrơi blan hơdip tui hơđăp tơdơi kơ hơmâo klin Covid-19.

Jơnum mơnuih čih hră pơhing thun 2022 pơphun mơng lơ 13-15/4/2022.

Anai jing hrơi pơpŭ tơlơi đĭ kyar kơtang, hơdôm tơlơi dưi ngă prong mơng Hră pơhing Việt Nam, ba pơƀuh hơdôm tơlơi pơhing pơlir hăng bruă mă, tơlơi pơčeh phrâo mơng ƀing hyu mă tơlơi pơhing dêh čar ta; laih dong, pơtrut tui bruă bơbưp kơplah wah ƀong čih hră pơhing hăng mơnuih hmư̆ tơlơi pơhing, mơng anun pơsur ƀing čih hră pơhing ngă klă bruă kơnuk kơna jao, djơ̆ hăng tơlơi kiăng hmư̆ hing jai hrơi lu mơng mơnuih ƀon sang. Amăng 3 hrơi popwhun Jơnum khul čih hră pơhing dêh čar 2022, VOV ăt hơmâo mơn jơlan hơdră  pơƀuh gru grua boh thâo pơ ala brơi 13 phung djuai, tơlơi phiăp djuai ƀiă mơ̆ VOV glăk pôr pơhing hăng abih bang mơnuih ƀon sang djuai ƀiă.

Siu H’Mai: Pơblang