VOV4.Jarai - Tŏ tui hơdôm hrơi jơnum abih bang tal 4, lơ 26/8, ƀơi plơi prong Buôn Ma Thuột, tơring čar Dak Lak, Khul djuai ania Ƀirô Khua pơ ala mơnuih ƀon sang dêh čar hơmâo tŭ mă tơlơi pơgôp hiăp mơng Khua mua pơ ala mơnuih ƀon sang kơ črăn tơlơi phiăn lŏn mơnai (čih pơkra glăi) amra ba tơbiă sem lăng amăng jơnum lok 4, Khua pơ ala mơnuih ƀon sang dêh čar tal XV. Pơgôp hiăp amăng črăn tơlơi phiăn lŏn mơnai čih pơkra glăi, ƀing khua mua đing nao hơdôm boh tơhnal bơdjơ̆ nao kual mơnuih djuai ania ƀiă hăng kual čư siăng kriang pơtâo.

Amăng mông pơgôp hiăp, khua mua pơ ala mơnuih ƀon sang rơkâo pơgôp hiăp, rơkâo đĭ kơ tơlơi pơkă kơ hră pơsit mă yua lŏn glai rưng, glai pla glăi, hăng glai jao mơnuih ƀon sang wai lăng; tơlơi dưi hăng bruă jao brơi kơ mơnuih ƀon hăng lŏn mơnai; tơlơi pơkă duh glăi prăk tơdah ngă soh, pơdơi hĭ bơwih ƀong amăng kual glai rưng lơ̆m kơnuk kơna pơhrui glăi lŏn.

Siu Đoan: Pơblang