VOV4.Jarai - Lơ 29/3, Khul apăn bruă Khul hlăk ai rơnuk Hồ Chí Minh bưp ƀô̆ mơta ƀing čơđai hrăm hră rơgơi amăng Jơlan hơdră “čung ba ƀing čơđai nao sang hră - ană rông ƀơi puih tơhan wai pơgang guai”. Mơng thun 2016 pok pơhai Jơlan hơdră “čung ba čơđai nao sang hră” rĭm thun, Ping gah, anom bruă git gai ling tơhan wai pơgang guai hơmâo rông ba giăm 3.000 čô čơđai, hăng rơnoh prăk djru brơi rĭm čô čơđai lĕ 500.000 prăk/blan truh ƀing čođai hrăm abih anih 12, hăng rơnoh prăk mơng ƀing apăn bruă, ling tơhan pơgôp.

Khul hlăk ai bưp ƀô̆ mơta ƀing čơđai hrăm hră rơgơi

Găn rơgao 2 thun ngă tui, Ling tơhan wai pơgang guai tŏ tui pok pơhai jơlan hơdră rông ba ƀing čơđai sang anŏ tơnap tap hloh, ba ƀing gơñu glăi pơ puih tơhan jing “ană rông puih tơhan wai pơgang guai”. Ƀing apăn bruă ƀơi puih tơhan lĕ ƀing pơtô ba ƀing čơđai jing ƀing čơđai hmư̆ hiăp, hrăm hră rơgơi, tơdơi anai jing ƀing mơnuih hơdip hiam, thâo mă bruă.

Siu Đoan: Pơblang