VOV4.Jarai - Prăp lui hơdôm bruă mă kơ čơđai muai amăng tal pơdơi prong thun anai, Khul hlăk ai tơring čar Daklak pok pơhai lu bruă pơđĭ tui bôh thâo hăng hơdră bruă mă kơ grŭp mơnuih apăn bruă khul, biă ñu lĕ gưl anom bruă. Rơđah biă ñu, Khul hlăk ai tơring čar Daklak hmâo pơphun pơhrăm brơi bôh thâo, bruă mă kơ mơnuih apăn bruă khul, grŭp ƀơi plơi pla, grŭp mơnuih ƀôn sang amăng tơring čar.

Pơhrăm bôh thâo kơ grŭp mơnuih apăn bruă khul

Hăng lu akô̆ buă lăi kơ bôh thâo kah hăng: ngă pơsôh amăng mông jơnum khul grŭp; lăi pơhing bruă khul, grŭp hluai tui hơdôm plăng facebook; pơhiăp ƀơi anăp lu mơnuih hăng hơdôm bôh thâo kiăng yua mơng Khua git gai Khul hlăk ai. Hrom hăng anun, Khul hlăk ai tơring čar Daklak glăk pơsur mơnuih mơnam pơplih phrâo kiăng pơdŏng hơdôm tơlơi ngui ngor kơ čơđai, pok hơdôm anih jơnum ngui kơ čơđai muai. Pơphun hơdôm anih hrăm glăi tơlơi hrăm amăng bơyan pơdơi prong anăp nao ƀing čơđai sang hră ƀơi hơdôm anih anom tơnap tap, kual asuek, ataih./.

Siu H’ Prăk: Pơblang