VOV4.Jarai-Mơguah lơ 6/4, Khul ia jrao kyâo bơrơkal mriah tơring čar Dak Lak jơnum tŭ mă prăk hăng gơnam djru rơbêh 1 klai 200 klăk prăk mơ̆ng hơdôm anom bruă djru tơlơi khăp pap ƀơi tơring čar. Ƀơi mông jơnum tŭ mă, ƀing khua mua djru hơmâo jao prăk man pơdong 4 boh sang khăp pap hăng rơnoh 320 klăk; ƀơk 1000 boh kơthung hrong ia mơñum hăng 500 boh apui tơnă asơi huăi tơbiă lu asăp hăng rơnoh 950 klăk prăk. Yă Trần Thị Phương Thu, Kơ-iăng Khua anom bruă Khul ia jrao kyâo bơrơkal mriah Dak Lak brơi thâo, Khul amra ĕp lăng, ruah mă hơdôm sang anŏ tơnap tap biă mă tui hăng tơhnal pơkă ĕp lăng pioh djru prăk pơdong sang.

Khua mua pơ ala hơdôm sang bruă djru prăk jao hnăl čih anăn djru tơlơi khăp pap

Hăng kơthung hrong ia mơñum hăng apui tơnă asơi huăi tơbiă asăp đơi, amra djru kơ hơdôm sang anŏ   ƀun rin ƀu tloh blơi apui gaih tơnă asơi, hơdôm tơring glông kah hăng Lak, Ea Sup juăt hơmâo ia ling dăo rĭm thun mơnuih ƀôn sang kiăng biă mă kơthung đing hrong ia mơñum amăng bơyan hơjan ia ling dăo. Anai lĕ bruă mă sit nik mơ̆ng lu sang bruă sĭ mơdrô kiăng gum tơngan hrom djru kơ mơnuih tơnap tap, gum hrom man pơdong plơi pla phrâo, plơi prong rơgơi amăng tơring čar.

Nay Jek: Pơblang