VOV4.Jarai - Lơ 6/6/2022, ƀơi sang bruă Ping gah, Khul khua apăn bruă git gai Ping gah dêh čar tal 13 hơmâo jơnum ƀu tui tơđar či sem lăng, bơtơhmal ơi Chu Ngọc Anh, Ding kơna Ping gah, Kơ-iăng khua git gai Ping gah ƀon prong, Khua khul apăn bruă Ping gah, Khua Jơnum min mơnuih ƀon sang ƀon prong Hà Nội, Khua hơđăp djru bruă ping gah, Khua hơđăp ding jum boh thâo ia rơgơi hăng măi mok laih anun ơi Nguyễn Thanh Long, Ding kơna Ping gah, Khua khul djru bruă Ping gah, Khua Ding jum ia jrao. Tơdơi kơ sem lăng tơlơi rơkâo đĭ mơng Ding jum kơđi čar, kiăo tui tơlơi soh, tơhnal tơlơi soh; tui tơlơi pơkă mơng Ping gah kơ bơtơhmal mơnuih ping gah ngă soh, Khul khua apăn bruă git gai ping gah pơsit brơi tơbiă đuăi mơng Ping gah hăng ơi Chu Ngọc Anh hăng ơi Nguyễn Thanh Long. Git gai djŏp anom apăn bruă ječ ameč sem lăng, bơtơhmal djơ̆ tui tơlơi phiăn hăng ƀing hơmâo anăn bơtơhmal amăng ping gah.

Siu H’Mai: pơblang