Khul khua git gai Ping gah tŭ ư brơi ơi Phạm Ngọc Nghị pơdơi ngă Khua jơnum min mơnuih ƀôn sang tơring čar Dak Lăk
Thứ ba, 11:40, 15/04/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Lơ 14/4, ƀơi mông Jơnum tui akŏ bruă tal 114, Khul khua apăn bruă phun Ping gah tơring čar Dak Lăk lăi pơthâo tơlơi pơsit mơ̆ng Khul khua git gai Ping gah kơ bruă brơi ơi Phạm Ngọc Nghị - Khua Jơnum min mơnuih ƀôn sang tơring čar Dak Lăk - pơdơi bruă hlâo kơ thun pơkă.
Tui anun, ơi Phạm Ngọc Nghị pơdơi ngă bruă amăng Khul khua gum bruă git gai Ping gah, Khul khua apăn bruă Ping gah, pơdơi ngă Kơ-iăng khua Ping gah tơring čar hăng hơdôm bruă mă pơkŏn dong. Hơdôm tơlơi pơkôl pơkă hơdră djru mơnuih pơdơi bruă hơmâo ngă tui tơlơi phiăn glăk hơmâo.
Hlâo kơ anun, ơi Nghị ngă hră rơkâo pơdơi bruă. Akŏ blan 4 phrâo rơgao, ơi Nghị hơmâo Jơnum min pel ĕp kơđi Ping gah jăm ƀuah pơhŭi hlâo yua hơdah ngă soh tơlơi pơtrun mơ̆ng Ping gah hăng tơlơi phiăn mơ̆ng Kơnuk kơna, ba truh tơlơi soh prong, ngă tơdu trun pran đăo kơnang mơ̆ng mơnuih ƀôn sang hăng anom bruă. Rơnuč thun 2024, ñu ăt hơmâo Khua dêh čar jăm ƀuah mơn yua ngă bruă aka ƀu klă.
Viết bình luận