VOV4.Jarai - Lơ 20/5, Khul khua pơ ala mơnuih ƀon sang dêh čar tơring čar Dak Lăk pơphun Jơnum mă tơlơi pơgôp hiăp kơ hơdôm Tơlơi phiăn amra hơmâo khua mua pơ ala ba tơbiă sem lăng ƀơi mông jơnum lok 3, Khua git gai pơ ala mơnuih ƀon sang dêh čar tal 15 pơ anăp anai. Hơdôm tơlơi phiăn phrâo čih pơkra hơmâo Khul khua pơ ala mơnuih ƀon sang dêh čar tơring čar Dak Lăk pơphun hơduah tơña, mă tơlơi pơgôp hiăp kah hăng: Tơlơi phiăn hơduah ĕp kơđi (pơplih pơkra), Tơlơi phiăn mơnuih ƀon sang ngă pô amăng plơi pla, Tơlơi phiăn Ia jâo (pơplih pơkra), Tơlơi phiăn pơgăn tơlơi taih amang amăng sang anŏ, Tơlơi phiăn khăm pơjrao tơlơi ruă (pơplih pơkra) hăng Tơlơi phiăn pơhrua tui hơdôm tơlơi mơng tơlơi phiăn Tần số vô tuyến điện.

Ơi Y Vinh Tơr, Ding kơna ƀu sit nik mơng Ping gah dêh čar, Khua grup pơ ala mơnuih ƀon sang dêh čar tơring čar Dak Lăk pơhiăp ƀơi mông jơnum.

Pơgôp hiăp hăng Tơlơi phiăn mơnuih ƀon sang ngă pô amăng kual plơi pla, ƀing khua kiăng hơmâo tơlơi phiăn, tơlơi pơkă, pơtô ba rơđah kơ bruă bơtơhmal hăng ƀing ngă soh tơlơi phiăn anai; kiăng pơkă rơđah, djŏp djel hră pơ-ar Mơnuih ƀon sang hơduah ĕp, sem lăng gong gai ƀơi să kơ bruă ngă tui tơlơi phiăn mơnuih ƀon sang ngă pô ƀơi să, phường, tơring kual. Biă ñu kiăng pơkă rơđah hloh kơ tơlơi gơgrong bruă mơng Grup hơduah ĕp kơđi tơlơi mơnuih ƀon sang ƀơi anom bơwih ƀong đah mơng pơhlôm bruă wai lăng mơng mơnuih mă bruă hăng pô apah mơnuih mă bruă.

Siu H’Mai: Pơblang