Thun anai, hrŏm hăng bruă pơphun hơdôm tal jơnum Khul khua pơ ala mơnuih ƀôn sang, bưp mơnuih ƀôn sang tui rim tal hăng hơdôm tal jơnum tui akô̆ bruă, Khul khua pơ ala mơnuih ƀôn sang tơring čar Dak Lak amra pơtrut kơtang bruă lăng tui.

Amăng anun, đing nao sa dua bruă kah hăng: Lăng tui bôh tơhnal ngă tui Akô̆ bruă pla glăi phun kơphê mơ̆ng tơring čar rơwang 2018-2020; lăng tui bruă apah pơgang glai klô ƀơi hơdôm bôh plah tơsiong, hơdôm bôh tơring glông; Lăng tui bruă ngă tui hơđong tơlơi hơdip mơda mơnuih mơnam amăng hơdôm jơlan hơdră hơđong tơlơi hơdip mơnuih mơnam; ngă tui bruă lăng tui tơlơi črâo ba mơ̆ng gong gai kơ mă yua kông ngăn hrŏm gah kơnuk kơna ƀơi sa dua bôh ƀirô anom bruă hăng lăng tui pơplih pơkă mơ̆ng pơplih glai lơm pơkra jơlan đuăi hmar Buôn Ma Thuột – Khánh Hòa./.