Khul Khua pơ ala mơnuih ƀôn sang tơring čar Gia Lai tŭ ư hơdră pơtrun pơmut tơring glông Đăk Pơ mut gah plơi prong An Khê
Thứ tư, 06:00, 31/07/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Mơguah lơ 30/7, amăng tal jơnum 20 (tui akô̆ bruă) rơwang bruă 2021-2026, Khul Khua pơ ala mơnuih ƀôn sang tơring čar Gia Lai tal 12 hmâo pel ĕp tơlơi pơtrun pơsit tŭ ư hơdră pơtrun pơmut tơring glông Đăk Pơ mut gah plơi prong An Khê tơdơi kơ thun 2030, plơi prong An Khê.
Hăng gưl să, ƀơi plơi prong Plei Ku, tŭ ư hơdră pơtrun pơmut să Tân Sơn mut gah să Biển Hồ, pơjing anih anom mă bruă phrâo lĕ să Biển Hồ.
Ƀơi tơring glông Kbang, tŭ ư hơdră pơtrun pơplih pơkra anăn anih mă bruă, pơplih plơi Lợt ră anai gah să Đăk Hlơ mut gah să Nghĩa An hăng pơmut črăn dô̆ glăi mơ̆ng să Đăk Hlơ mut gah să Kông Bơ La, pơdŏng anom mă bruă lĕ să Kông Bơ La. Tơdơi kơ tal jơnum, tơring čar Gia Lai amra ngă giong hơdôm mơta hră pơ-ar mơ-ĭt kơ gưl hmâo tơlơi dưi pel ĕp, pơsit./.
Viết bình luận