VOV4.Jarai - Hơdră djru gum, prăk blan ƀu djop pioh kơ tơlơi hơdip mơda, bruă mă lu ngă mơnuih wai lăng pơgang dlai pơdơi bruă, lu rơwang bruă pơkĕ apui hăng jua angin ƀơi Gialai hmâo ngă giong samơ̆ akă dưi tŭ yap mă yua pơkĕ hyu ôh... anun lĕ hơdôm tơlơi hang tơngia dưi hmâo lu mơnuih, ding kơna mơng Khul pơ ala mơnuih ƀôn sang tơring čar Gialai đing nao, ba tơbiă črông lô amăng tal jơnum Khul pơ ala mơnuih ƀôn sang tơring čar Gialai tal 12 tom brơi (8/7).

Amăng mông tơña ding kơna Khul pơ ala mơnuih ƀôn sang tơring čar, lu tơlơi dưi hmâo mơnuih ƀôn sang hăng lu mơnuih đing nao hmâo lăi laih amăng tal jơnum. Amăng anun ƀuh rơđah hloh lĕ bruă wai lăng dlai tlô ăt dŏ mơn lu tơlơi tơnap, ngă khưi khai prăk mơng hơdôm rơwang bruă pơkĕ apui hăng jua angin akă dưi pơkĕ hyu, tơlơi pơpha lŏn sĭ ngă đang hmua ngă tơnap. Lăi glăi kơ hơdôm tơlơi tơnap amăng bruă wai lăng dlai tlô, ơi Lưu Trung Nghĩa, Khua Gơnong bruă đang hmua hăng pơđĭ kyar ƀôn lan tơring čar, Khua pơ ala Khul pơ ala mơnuih ƀôn sang tơring čar rơkâo pơdơi bruă na nao ngă mrô mơnuih mă gah bruă anai kơƀah hĭ. Bôh than ba truh lĕ yua kơ prăk pơhrui glăi ƀiă, hơdôm hơdră gum djru akă djơ̆ hăng pran tuh rơyuh, biă ñu bruă mă kơdrăo./.

Siu H’ Prăk: Pơblang