VOV4.Jarai - Mơguah lơ 29/3, ƀơi tơring čar Quảng Ninh, Khul pơblang bruă Ping gah dêh čar ta pơphun Tal jơnum lok 3. Tal jơnum đing nao bơkơtuai, gum pơhiăp kơ 2 Rơwang bruă lăi pơthâo glăi tơlơi lăi pơthâo, anun lĕ Tơlơi lăi pơthâo glăi kơ tơlơi lăi pơthâo brơi “Sa dua mơta tơlơi pơblang bruă kơđi čar – bôh nik rơgao 15 thun ngă tui Tơlơi pơtrun pơsit Ping gah mrô 7 tal 10 kơ bruă đang hmua, mơnuih ngă đang hmua, plơi pla”, Lăi pơthâo glăi tơlơi lăi pơthâo brơi “Sa dua mơta tơlơi pơblang bruă kơđi čar – bôh nik rơgao 20 thun ngă tui Tơlơi pơtrun pơsit mơng Ping gah mrô 5 tal 9 kơ pơplih phrâo dong, pơđĭ kyar hăng pơđĭ tui prong bôh tơhnal bơwih ƀong khul”.

Đơ đam anih jơnum

Pơhiăp amăng tal jơnum, Khua Khul pơblang bruă Ping gah dêh čar ơi Nguyễn Xuân Thắng lăi rơđah: Hơdôm bôh tơhnal dưi ngă yôm phăn hăng bôh tŭ yua. Tơdơi kơ 35 thun pơplih phrâo, bruă đang hmua hmâo yak pơplih kơtang hơdai nao ngă rai gơnam tam sĭ mơdrô, mă yua bôh thâo phrâo, pơđĭ tui anô̆ klă hiam hăng tŭ yua, jing phun gơgrong bruă bơwih ƀong; bơwih ƀong huă ngă đang hmua pơđĭ kyar dong; jơlan hơdră pơdŏng plơi pla phrâo hmâo lu bôh tơhnal yôm phăn./.

Siu H’ Prăk: Pơblang