VOV4.Jarai - Ƀơi Sang hră Học viện Lục quân (plơi prong Đà Lạt, tơring čar Lâm Đồng), hơdôm anom bruă ƀơi Quân khu 7 hăng tơring čar Ninh Thuận hơmâo pơphun Jơnum kĭ pơkôl hăng pơphun mă yua tơlơi phiăn ngă hrŏm amăng bruă ngă tui Tơlơi pơtrun mrô 35 mơng Ding jum Kơđi čar kơ pơtrut pơgang tơlơi pơmin mơng Ping gah, hơngah glăi tơlơi pơmin soh sat, hil neč amăng rơnuk anai.

Kĭ hră pok pơhai ngă Tơlơi pơtrun mrô 35 mơng Ding jum kơđi

Amăng thun blan rơgao, sang hră pơtô bruă Ping gah mơng Gơnong dlông truh pơ tơring čar, hơdôm boh sang hră tơhan blah ngă, Anom bruă git gai mrô 35 mơng hơdôm Ping gah tơring čar, ƀon prong lăi hrŏm, kual Đông Nam Bộ lăi hơjăn lêng pơsit pơkơdong, hơngah glăi hơdôm tơlơi pơmin soh glăi, hil neč, pơgang ba tơlơi pơmin hiam mơng Ping gah anun lĕ bruă ngă phun, kiăng ngă ječ. Ơi Nguyễn Tấn Vinh, Kơ-iăng khua Sang hră Kơđi čar kual II lăi, kiăng dưi ngă klă hơdôm tơlơi kiăng ngă laih anun hơdră ngă bruă amăng Tơlơi pơtrun mrô 35 mơng Ding jum Kơđi čar, kiăng čih pơkra hăng ngă tŭ yua hơdôm tơlơi kiăng ngă hrŏm, lăp djơ̆ amăng hrơi blan anai.

Siu H’Mai: Pơblang