VOV4.Jarai - Lơ 4/3, ƀơi plơi prong Phú Quốc, tơring čar Kiên Giang, Ding jum pơtom hiăp Việt Nam pơphun jơnum klah čun 20 thun ngă bruă hlă gŏng guai dêh čar Việt Nam - Kur. Kơ-iăng khua dêh čar ơi Phạm Bình Minh nao pơhmư̆ mông jơnum. Pơhiăp ƀơi mông jơnum, Khua ding jum pơtom hiăp Bùi Thanh Sơn lăi: mông jơnum yôm biă mă pơsit ngă giong laih bruă kăng, hlă gŏng guai năng ai 84% jơlan guai hăng kơdư dêh čar Việt Nam - Kur; klah čun, pơtŏng glăi hăng kơđiăng lui hơdôm bruă mă amăng 20 thun pok pơhai hlă pŏng gŏng guai hăng kơdư Việt Nam - Kur; laih dong ba tơbiă hơdră ngă bruă guai dêh čar Việt Nam - Kur amăng hrơi blan pơ anăp, amăng anun hơmâo pơtrut bơkơtuai kăng, hlă 16% jơlan guai dŏ glăi.

Mông jơnum kơ guai dêh čar

Siu H’Mai: Pơblang