VOV4.Jarai - Tlam lơ 6/4, ƀơi Hà Nội, Ping gah hơdôm anom bơwih ƀong Kơnuk kơna pơphun jơnum klah čun glăi pri Búa liềm vàng Khul bơwih ƀong Kơnuk kơna thun 2021. Tơdơi kơ pơphun ngă, Anom pơphun pri Búa liềm vàng Khul anom bơwih ƀong thun 2021 hơmâo mă rơbêh 1 rơbâo tơlơi ba pơplông mơng 34 anom ping gah. Hơdôm tơlơi ba pơplông hơmâo lu mơta tơlơi yơh, kah hăng: chính luận, kơsem min - bơlăi nao rai, mơnuih klă bruă klă, tơña mă tơlơi pơhing, tơlơi pơgôp hiăp mơng mơnuih ping gah, čih glăi, kí sự, pơdah rup...Hrŏm hăng anun, hơmâo lăi nao lu tơlơi mơn, pơƀut čih kơ Ping gah hăng bruă akŏ pơdong Ping gah; kiăo tui hơdôm tơlơi hmư̆ hing hloh ră anai...Ƀơi mông ngă lơphet, Ping gah Khul bơwih ƀong hơmâo brơi 03 Pri Sa, 03 pri dua, 08 pri klâo, 15 Pri pơtrut pơsur pran jua ƀing hơmâo pơkra tơlơi pơplông, grup čih tơlơi pơplông hơmâo mă Pri.

Siu H’Mai: Pơblang