Rơnoh đĭ kyar amăng 9 blan laih rơgao mơ̆ng Dak Lak kơnong dưi ngă  djop 8,22%, aset hloh hăng rơnoh dăp hlâo; kiăng dưi ngă djop rơnoh pơkra sa thun 10% pơngŏ lĕ, amăng thun anai, klâo blan tal IV rơnuč thun tơring čar khom pơtrut rơnoh pơđĭ kyar rơbêh 13% kah djop. Dak Lak hlăk pơtum nao pơsir hĭ tơlơi gun gah bruă tuh pơ alin, lơ̆n mơnai, pơklaih ala lơ̆n čuk pơdăo, laih dơ̆ng pơtrut kơtang ĕp prăk tuh pơ alin pơhưč  tuh pơ alin pơkra ming, sĭ mơdrô. 9 blan thun 2026, tơring čar Dak Lak pơtum pơsir lu anŏ ngă gun, kơđông amăng tơlơi phiăn pơkă, bruă pơtrun lơ̆n mơnai, pơklaih ala lơ̆n  hăng tuh pơ alin tui tơlơi kiăng “6 rơđah”.

Rơnoh pơđĭ kyar 9 blan ƀơi tơring čar kiahdưingă 8,22% đôč, prăk sĭ mơdrô hăng tač rơngiao pơhrui glăi rơbêh 2,3 klai USD; tuai čuă ngui lu năng ai 8,34  klăk wơ̆t.  Kiăng dưi ngă djop rơnoh pơkă pơđĭ kyar 2 mrô, klâo blan tal IV Dak Lak gir run pơtrut pơđĭ kyar khom hơmâo 13%.  Ơi Đỗ Hữu Huy,  Khua Jơnum min mơnuih ƀôn sang tơring čar Dak Lak brơi thâo, amăng 3 blan rơnuč thun tơring čar kiăng pơhrui prăk jia boh ƀiă ñu 7.254 klai prăk hăng ba yua 8.702 klai prăk tuh pơ alin kơ bruă čar. Laih dơ̆ng, pơtrun hiăp klâo blan tal IV khom pơblih kơtang hloh hơdră git gai wai lăng, ƀu kơnong pơtum nao kơ bruă ngă djop tơhnal pơkă đôč ôh, khom pơjing rai gơnam sĭ mơdrô hăng ƀuh hơmâo rơnoh sit nik.