Amăng mông bưp, Kơ-iăng Khua dêh čar ơi Bùi Thanh Sơn pơtŏng sit, Việt Nam lăng pơđĭ kyar tơlơi rô nao rai hăng Khač; pơsit yôm jơlan gah pơđĭ kyar klă hăng hơdôm bôh tơhnal yôm phăn mơ̆ng tơlơi rô nao rai dua Ping gah, dua bôh dêh čar hơdôm hrơi rơgao.

Kơ-iăng Khua mir sir dêh čar Khač ơi Hàn Chính bơni Kơ-iăng Khua dêh čar ơi Bùi Thanh Sơn čuă dêh čar Khač, gum hrŏm git gai mông Jơnum tal 16 Jơnum črâo ba gum hrŏm dua bơnah; pơtŏng sit Khač abih pran jua lăng yôm phăn gum hrŏm bruă mă abih bang, Khul lăi pơthâo pơgi kơdih anai hmâo bôh yôm bruă mă hăng Việt Nam. Lăng anai lĕ jơlan gah đing nao hlâo amăng hơdră bruă pơtom hiăp iao gah mơ̆ng Khač, dŏng yua Việt Nam pơphun bruă pơplih phrâo, măi mok pơplih phrâo, pơplih phrâo lŏn ia, pơdŏng truh kih kơnuk kơna djop mơnih dưm kơnar. Pơ̆ anăp anai, dua bơnah tŭ ư kơtưn črâo ba hơdôm gưl, hơdôm gơnong bruă, hơdôm anih anom dua bôh dêh čar gum hrŏm kơjăp, pok pơhai klă hơdôm tơlơi pơkôl hăng thâo hrŏm gưl dlông, djru ngă dơlăm hloh dong tơlơi rô nao rai gum hrŏm bruă mă abih bang, Khul lăi pơthâo pơgi kơdih Việt Nam – Khač hmâo bôh tŭ yua bruă mă./.