Amăng mông bưp, Kơ-iăng Khua dêh čar ơi Hồ Đức Phớc hơmâo lăi glăi lu tơlơi rơkâo đĭ mơng mơnuih ƀôn sang, lăi pơthâo lu boh tơhnal bơdjơ̆ nao bruă tuh pơ alin man pơkra hang ia rơsĭ ƀơi phường Quy Nhơn, wai lăng hơdrôm hră pơtô hrăm, wai lăng gơnam pơkra ča čot, plư pleč sĭ mơdrô hăng plư amăng plang internet. Kơ bruă dưm dăp anih anom, Kơ-iăng Khua dêh čar brơi thâo, bruă ngă hơbot anih anom djru brơi gong gai mă bruă tŭ yua, giăm mơnuih ƀôn sang ƀiă.

Kơ-iăng Khua dêh čar lăi pơtong hơnong pơkă pơđĭ kyar dua mrô kiăng ba lŏn ia ta yak nao rơwang pơđĭ kyar kơtang, pơdrong asah. Kiăng dưi ngă tui hơnong pơkă anun, kiăng pơtrut kơtang pơplih yua boh thâo phrâo hơbô̆ bruă pơđĭ kyar, pơtrut kơtang pơplih mrô, pơplih mơtah, pơplih pơčeh phrâo, pơplih ngă hră pơ-ar hăng hơdră mă jia, duh prăk ka.