VOV4.Jarai - Tlam lơ 28/7, ƀơi sang bruă kơnuk kơna, Kơ-iăng khua dêh čar ơi Lê Minh Khái git gai jơnum lok 1 Khul git gai ngă Jơlan hơdră rŭ glăi hăng pơđĭ kyar bơwih ƀong huă mơnuih mơnam. Tui hăng tơlơi lăi pơthâo mơng Ding jum dăp akŏ bruă hăng tuh pơ plai, tơdơi kơ rơbêh 6 blan pơphun ngă tui Tơlơi pơtrun 11 mơng Kơnuk kơna, hơdôm anom bruă hơmâo ngă lu bruă prong laih, djơ̆ hăng tơlơi pơkă hlâo. Kơ bruă brơi prăk tuh pơ plai, tui hăng mrô jŭ yap, hơdôm jơlan hơdră kiăng ngă hơmâo brơi năng ai 48 rơbâo klai laih. Pơsit hơdră djru ƀơi Jơlan hơdră rŭ glăi hăng pơđĭ kyar bơwih ƀong - mơnuih mơnam glăk hơmâo ngă klă, hơdôm jơlan hơdră ngă bruă hơmâo brơi nao prăk tañ biă. Khă hnun, hơmâo mơn tơlơi pơgôp hiăp pơsit bruă ngă hră pơ-ar pơtô brơi aka ƀu tañ tui hăng tơlơi kiăng ƀơi Tơlơi pơtrun mrô 11/NQ-CP. Rơkâo amăng hrơi blan pơ anăp, ngă bruă hơdeč hmar, pơsir hĭ tơlơi tơnap, tơlơi ngă gun, pơhlôm brơi jơlan hơdră anai tŭ yua...

Siu H’Mai: Pơblang