Tui akŏ bruă pơplih pơkra glăi amăng grup rơwang thun 2021-2025 hăng hơnong pơkă phun lĕ pơjing hăng pơđĭ kyar VNPT, akŏ pơjing grup bơwih ƀong kơnuk kơna prong kơtang, hơdeč hmar, tŭ yua, pơplih phrâo, dưi bơkơtưn amăng lŏn ia hăng tač rơngiao.

Đĭ pơhiăp pơđut mông jơnum, Kơ-iăng khua dêh čar ơi Lê Minh Khái lăng yôm hơdôm tơlơi rơkâo đĭ mơng djop ding jum, gơnong bruă mơng anun dưi pơsit hơdôm bruă pơprong mơ̆ dŏ pơmĭn phara, pơtă pơtăn amăng hrơi blan dêh čar glăk mut hrŏm dơlăm tui amăng tơlơi bơwih ƀong huă rŏng lŏn tơnah hăng tơlơi bơdjơ̆ nao mơng pơplih yua boh thâo phrâo 4.0, amăng anun bruă pơplih yua boh thâo phrâo lĕ tơlơi rơkâo phun mơ̆ grup VNPT kiăng pơsit ngă tui amăng pơđĭ kyar pơ anăp anai.