VOV4.Jarai - Tŏ tui hơdôm bruă ƀơi mông Jơnum tui tơđar tal 52 Jơnum bơwih ƀong huă rŏng lŏn tơnah (WEF) ƀơi Davos, Thụy Sỹ, lơ 23 hăng 24/5/2022, Kơ-iăng khua dêh čar ơi Lê Minh Khái hơmâo nao pơhmư̆ hăng pơhiăp ƀơi mông jơnum kơ “Sa ASEAN mă yua mrô kơ abih bang mơnuih ƀon sang” hăng Jơnum pơhiăp nao rai kơplah wah khua mua kơ “Akŏ pơdong tơlơi bơwih ƀong gơgrong mă pô kơ pơđĭ kyar kơjăp”; bưp Khua mir sir Lít-va hăng tŭ jum Khua čih pioh Anom ngă hrŏm hăng pơđĭ kuar bơwih ƀong huă...Pơhiăp ƀơi mông jơnum kơ “Sa ASEAN mă yua mrô kơ abih bang mơnuih ƀon sang”, Kơ-iăng khua dêh čar ơi Lê Minh Khái lăi nao hơdôm tơlơi pơmin hăng jơlan pơđĭ kyar mơng Việt Nam, amăng anun, hơmâo pơđĭ kyar hmar hăng hơđong kơjăp kiăo tui boh thâo ia rơgơi măi mok, pơplih phrâo hăng pơplih mă yua mrô.

Siu H’Mai: Pơblang