Kơ-iăng khua dêh čar ơi Lê Thành Long tŭ jum Khua anih jưh pơ ala dêh čar Angle ƀơi Việt Nam Iain Frew
Thứ sáu, 10:47, 08/08/2025
VOV/Siu Đoan Pơblang
VOV/Siu Đoan Pơblang
VOV.Jarai-Tlam tom brơi (7/8), ƀơi Ƀirô Kơnuk kơna, Kơ-iăng Khua dêh čar ơi Lê Thành Long tŭ jum Khua anih jưh pơ ala dêh čar Angle ƀơi Việt Nam Iain Frew, hrŏm hăng ƀing pơ ala Sang hră gưl prong Southampton, sa amăng 100 boh sang hră gưl pơprong hloh amăng rŏng lŏn tơnah hăng grup pơtô hrăm jar kmar Navitas.
Amăng mông bưp Khua anih jưh pơ ala dêh čar Angle, Kơ-iăng khua dêh čar ơi Lê Thành Long brơi thâo, Việt Nam lêng kơ lăng yôm bruă kơtưn tơlơi rô nao rai ngă hrŏm kơplah wah Việt Nam-Angle , amăng anun ngă hrŏm bruă pơtô pơjuăt lĕ bruă akŏ phun.
Việt Nam ăt đing nao pơhưč sang bruă gưl prong mơng gah rơngiao, akŏ pơdong amăng lŏn ia, anăp nao hơnong pơkă truh thun 2030 hơmâo dong ƀiă biă mă ñu dua boh sang hră pơdong amăng lŏn ia mơng hơdôm boh sang hră pơprong hloh amăng rŏng lŏn tơnah. Khua anih jưh Iain Frew lăi pơtong: Pơtô pơjuăt lĕ bruă phun ngă hrŏm dua bơnah, hăng 12.000 čô čơđai sang hră Việt Nam glăk hrăm pơ dêh čar Angle, laih dong ƀuăn tŏ tui djru brơi Việt Nam pơđĭ kyar mơnuih mă bruă rơgơi.
Viết bình luận