Klah čun ƀơi mông jơnum, Kơ-iăng khua dêh čar ơi Lê Tiến Châu lăi pơtong, prăp lui thun hrăm hrăm phrâo jing bruă mă yom hloh mơ̆ng abih bang glông bruă kơđi čar. Lăi pơtong, bruă mă prăp lui thun hrăm phrâo kah hăng tơlơi jŭ yap khom pơblang samơ̆ tơnap hloh, Kơ-iăng khua dêh čar pơtong glăi, tơlơi rơkâo brơi pơhrua dơ̆ng mrô 127.000 čô nai pơtô sit nik, pioh lăi pơthâo hăng khua dêh čar sem glăi.

Ƀơi anăp lĕ, Ding jum pơtô hăng pơjuăt khom ngă hrŏm Ding jum bruă čar jŭ yap glăi djơ̆ ten tơlơi kơƀah hăng anih rơbêh nai pơtô kơ hơdôm mơta tơlơi hrăm, rim sang hră; laih dơ̆ng pơmin lăng ĕp hơdră rơkâo čan hlâo čih anăn pơmut ƀing nai pơtô sit nik, anăm lui ôh kơƀah nai pơtô hrăm hră. Hăng tal pơplông abih anih 12 thun 2026, Kơ-iăng khua dêh čar pơtă pơtăn, djop tơring čar ƀu dưi ngă amưng ôh, khom sem lăng tong ten tum teč djop jơlan hơdră kiăng bong glăi tơlơi či hơmâo lŏn adai truh hăng tơlơi đĭ trun mrô čơđai sang hră mut pơplông.