VOV4.Jarai-Lơ 26/4, ƀơi anom bruă Kơnuk kơna, Kơ-iăng Khua dêh čar, ơi Lê Văn Thành git gai jơnum Khul khua mua pơsit pơkă hnong pơđĭ kyar apui lơtrik  dêh čar mơ̆ng thun 2021-2030, lăng nao pơ anăp adih 2045 dŏ lăi Pơkă hnong apui lơtrik VIII. Lu tơlơi pơgôp hiăp ƀơi mông jơnum hơmâo pơdah thâo lu tơlơi tŭ ư hrom tơhnal pơkă mơ̆ng hơdră pơkă hnong apui lơtrik VIII, biă mă ñu pơkă hnong pơkĕ apui lơtrik, jơlan hơdră, bruă kiăng ngă pơblih ƀơƀrư̆ hăng kah pơpha pơkĕ yua apui lơtrik amăng djop kual.

Klah čun amăng mông jơnum, Kơ-iăng Khua dêh čar ơi Lê Văn Thành lăng yôm bruă Pơkă hnong apui lơtrik pơblih phrâo tơlơi pơmin, hơdră mă bruă, lăi pơtong tơlơi kiăng pơkă hnong apui lơtrik, khom lăng nao boh tŭ yua kơ abih bang hlâo hloh, tơdah dưi pơkrem hơdôm hơpluh klai dolar amăng bruă pơhrŏ ƀiă prăk tuh pơ alin blơi hrĕ apui lơtrik, pơhrŏ ƀiă prăk pơdŭ pơgiăng djru pơtrun mơ̆n rơnoh apah prăk apui lơtrik. Hăng lu hră tŭ ư mơ̆ng khul khua mua pơsit pơkă hnong apui lơtrik dêh čar mơ̆ng thun 2021-2030, lăng nao pơ thun 2045.

Nay Jek: Pơblang