VOV4.Jarai - Kơ-iăng Khua dêh čar ta ơi Lê Văn Thành phrâo git gai bruă jơnum hăng 15  bôh tơring čar, ƀôn prong hmâo tơlơi kiăng pơkra glăi, pơhư prong, pơdŏng phrâo anih dưm gơnam tơdron rơdêh por. Klah čun bruă jơnum, Kơ-iăng Khua dêh čar ta ơi Lê Văn Thành pơsit tuh pơplai pơdŏng anih dŭ pơgiăng gơnam mơng tơdron rơdêh por amra pơjing pran pơtrut phrâo tơlơi pơđĭ kyar bơwih ƀong mơnuih mơnam mơng plơi pla hăng lŏn ia.

Kơ-iăng Khua dêh čar ơi Lê Văn Thành git gai bruă jơnum

Tui hăng Kơ-iăng Khua dêh čar, hơdôm hrơi rơgao, Gong gai dêh čar hmâo pơpha gưl, pơpha bruă brơi hơdôm tơring čar, ƀôn prong kiăng gơgrong hlâo hloh dong amăng tuh pơplai pơdŏng anih dŭ pơgiăng gơnam mơng tơdron rơdêh por hăng hmâo laih hơdôm bôh tơhnal yak blung a yôm phăn. Khă hnun hai, hơdôm hră pơ-ar tuh pơplai dô̆ bơrơkua, gun gan. Sa dua ding jum, gơnong bruă, plơi pla akă sit nik hmâo tơlơi kiăng pơkra glăi, pơhư prong, tuh pơplai kơ tơdron rơdêh por pel ĕp, pơplih pơkra, pơhlôm kơjăp tui tơlơi phiăn pơkă ôh./.

Siu H’ Prăk: Pơblang