VOV4.Jarai - Mơguah lơ 23/5, lơ̆m pơphun jơnum lok 3, Khua pơ ala mơnuih ƀon sang dêh čar XV, pô pơ ala brơi Khua dêh čar, Kơ-iăng khua dêh čar ơi Lê Văn Thành pơđok hră lăi pơthâo kơ boh than dưi ngă tui akŏ bruă pơđĭ kyar bơwih ƀong huă-mơnuih mơnam hăng pơhrui ngăn drăp kơnuk kơna thun 2021; bruă ngă tui akŏ bruă pơđĭ kyar bơwih ƀong huă- mơnuih mơnam hăng pơhrui ngăn drăp kơnuk kơna hơdôm blan akŏ thun 2022. Bruă pơ anăp anai, Kơnuk kơna kiăng đing nao 12 hơdră bruă akŏ phun, amăng anun đing nao wai pơgang klin Covid-19 hăng hơkrŭ glăi tañ, pơđĭ kyar bơwih ƀong huă mơnuih mơnam hơđong kjăp. Tañ pok pơhai hơdôm tơlơi pơtrun mơng Jơnum Ping gah lok 5 tal 13, sit biă ñu lĕ bruă lŏn mơnai, bơwih ƀong huă tui khul grup, bơwih ƀong hrŏm, ngă hmua, mơnuih ngă hmua hăng ƀon aln; tañ pơgiong, mơ-it nao Khua pơ ala mơnuih ƀon sang dêh čar sem lăng pơplih pơkra tơlơi phiăn lŏn mơnai thun 2013.

Siu Đoan: Pơblang