VOV4.Jarai - Mơguah tom brơi, ƀơi Thái Bình, Kơ-iăng khua dêh čar ơi Lê Văn Thành ba jơlan grup khua mơng Kơnuk kơna nao pel ĕp, sem lăng kơčăo bruă Nhiệt điện Thái Bình 2 (pơkra jua apui lơtrik), biă ñu bruă čuh apui blung a grup măi mrô 1 mơng Sang măi laih anun hơmâo mông ngă bruă hăng khua mua Grup pơkra ia jâo Dêh čar Việt Nam (PVN), pô tuh pơ plai kơčăo bruă. Kơ-iăng khua dêh čar ơi Lê Văn Thành lăi 2 rơwang ngă bruă pơ anăp lĕ gir pơmut hrĕ apui Grup măi mrô 1 amăng lơ 30/4/2022 hăng čuh hơdăng tal sa grup măi 1 amăng lơ 16/6/2022. Truh mông anai, bruă pơkra dưi ngă 88,75%, amăng anun bruă čih pơkra, dưm dăp hơmâo 100%; blơi măi mok gơnam pơkra hơmâo 96%; pơkra dưm truă giăm 88%; pơđuăi lăng hơmâo 26%. Biă ñu, Pô gơgrong pơkra pơđuăi lăng apui ăt iâu pơthưr mơnuih mă bruă amăng hrơi tê̆t  laih anun hơmâo iâu lu mơnuih ngă bruă tơdơi kơ hrơi tê̆t đah mơng dưi pơkra giong djơ̆ hrơi pơkă. Yua hnun, kơčăo bruă dưi ngă laih “Čuh apui tal sa hăng ia jâo” amăng lơ  23/2 kơ grup măi mrô 1. Anai lĕ rơwang bruă yôm đah mơng dưi ngă giong bruă pơmut hrŏm abih bang amăng lơ 19/5 laih anun čuh apui hăng hơdăng pơtâo amăng lơ 16/6/2022.

Siu H’Mai: Pơblang