Kơ-iăng Khua dêh čar čih djă pioh hơdôm tơlơi gum hơgôp ƀuh rơđah mơ̆ng VNPT amăng rơwang bruă rơgao, biă ñu bruă mă phun amăng pok pơhai Gong gai điện tử, pơplih mrô lŏn ia hăng pơgang pô amăng plăng internet. Khă bŏng glăi lu tơlơi tơnap amăng lŏn ia hăng jar kơmar, VNPT ăt pơtŏng sit mơn anih gơgrong amăng bruă dăng kông, măi mok mă yua.

Kơ-iăng Khua dêh čar ơi Nguyễn Hòa Bình rơkâo Ping gah VNPT ngă tui dong pran jua pơplih phrâo pơčeh phrâo, pơtrut kơtang kơsem min, ngă pô bôh thâo phrâo măi mok, pok tơbiă ngăn rơnoh pioh pơjing pran pơtrut pơđĭ kyar phrâo. VNPT khom ba jơlan hlâo amăng ngă tui Tơlơi pơtrun pơsit 57 mơ̆ng Ding jum kơđi čar kơ pơđĭ kyar bôh thâo phrâo, hơdră phrâo măi mok hăng pơplih mrô lŏn ia./.