VOV4.Jarai - Tlam lơ 23/8, ƀơi sang bruă Kơnuk kơna, Khul khua pơtô brơi bruă pok tơbiă mơnă hlâo hrơi pơkă jơnum pơsit hră pơ-ar rơkâo kơ Khua mir sir brơi pok tơbiă ƀing mơnă hlâo hrơi pơkă ƀrô hrơi ngă lơphet lơ 2/9/2022. Ding kơna apăn bruă Ding jum kơđi čar, Kơ-iăng khua dêh čar ơi Phạm Bình Minh, Khua khul pơtô brơi bruă pok tơbiă mơnă hlâo kơ hrơi pơkă thun 2022 git gai mông jơnum. Kiăng bruă sem lăng, pơsit anăn mơnă dưi tơbiă pơhlôm klă, rơđah rơđông, Khul amra sem lăng tong ten rim čô mơnuih đah mơng thâo rơkâo bơtơbiă tañ, pơhlôm djơ̆ hăng tơlơi phiăn pok tơbiă mơnă hlâo hrơi pơkă. Pơhiăp ƀơi mông jơnum, Kơ-iăng khua dêh čar ơi Phạm Bình Minh brơi thâo, pok tơbiă mơnă hlâo hrơi pơkă jing bruă thâo pap mơng Ping gah, Kơnuk kơna; kiăng djŏp ping gah, anom bruă lăng ba bruă brơi ƀing phrâo glăi mơng sang krư̆ dưi hơdip mơ-ak amăng plơi pla. Laih dong pơtrut pơtô pơblang djru brơi ƀing phrâo tơbiă mơng sang krư̆ kiăng gơñu huăi mlâo hiâo, huăi pơmin glăi tơlơi soh gơñu ngă hlâo kơ anun.

Siu H’Mai: Pơblang