VOV4.Jarai - Mơguah lơ 20/1, Kơ-iăng Khua dêh čar ơi Phạm Bình Minh hơmâo nao pel ĕp kơ bruă pơhlôm rơnuk rơnua hăng bruă pơgang klin Covid-19 ƀơi anom bruă tơdron rơdêh por jar kmar Nội Bài. Kiăng kơ pơhlôm rơnuk rơnua hăng pơgang kjăp hloh klin Covid-19 lơ̆m pơgiăng hyu tuai ngui amăng bơyan bơnga pơ anăp anai kah hăng abih thun 2022.

Kơ-iăng khua dêh čar ơi Phạm Bìng Minh mă bruă hăng anom bruă tơdron rơdêh por jar kmar Nội Bài

Kơ-iăng khua dêh čar ơi Phạm Bình Minh rơkâo Ding jum wai lăng jơlan glông ječ ameč mă bruă hăng ƀing khua mua anom bruă rơdêh por ƀơi hơdôm dêh čar kiăng kơ hơmâo tơlơi pơkôl pơkă kơ bruă pơgiăng hyu tuai amăng jar kmar, djơ̆ hăng tơlơi kiăng mơng mơnuih ƀon sang lơ̆m lu mơnuih kiăng glăi čuă jơmư pơ plơi pla hăng glăi čơkă thun phrâo tui phiăn juăt. Kơ-iăng Khua dêh čar ơi Phạm Bình Minh rơkâo Kông ti rơdêh por Việt Nam, hơdôm anom bruă rơdêh por ngă tui djơ̆ hơdôm tơlơi pơkă amăng pơhlôm rơnuk rơnua hăng pơgang klin Covid-19 dong.

Siu Đoan: Pơblang